يا عم ليه حزين
ربى حماها من سنين حفظها من الظالمين ثورة للجعانين ف يوم كانو عشمانين عيش حرية كرامة إنسانية شعار وحلم المساكين يومها كانو فكرين مات الألم ضاع الأنين خرجت صبية فى ساعة صبحية تنادى الحرية آل يسقط الظالمين طلع علينا فجر حزين مصرى بيغرس دماغة فى الطين بيدور على قائد حطين نحرر بلد كلها طامعين من مين ؟ يا عم قول بلاش تعبانين الكل بيجرى على كرسى والرئيس اسمه مرسى والمركب مش عاوز يرسى ف الوسط تاه حسى أنا مين ؟ يا عم أتكلم وقول لم الشمل على طول بلاش مسح العقول بلاش الليل يطول من الأول كنت بقول بلاش تخوين ريحين لفين ؟ الدم سال وبيجرى ع الرصيف قدرى ف القطر ضاع عمرى ف السجن صبرى ف الشارع اتعرى ضهرى ع الشاشة كلام غجرى وشله أفقين بلا ش يا عم الحزين ربى حماها من سنين ثورة لمين ؟ حد يقولى يا ناس الثورة راحت بلاش دولة للوسواس بيلعب فيها خناس غيرت كلامى خلاص دم أخويا إنداس تحت رجلين الإفلاس مين بيبيع الرصاص ومين بيضرب ف الناس ومين ف دمعه غاص مين فقد الإحساس الموت ببلاش سؤال حزين ؟ الدور على مين مين على بلدى أمين أنا شايف السكاكين ف الضهر مغروسين والدمع مالى العين والناس تيهين على فين ؟ يا مصرى كفايا دم من أخويا لإبن العم نبنى بلاش هدم زلزال وعم والعالم شغال نم والأرض غاصت دم كفايا بلاش هدم  |
الثلاثاء، 29 يناير 2013
ليه حزين
الاشتراك في:
تعليقات الرسالة (Atom)
ليست هناك تعليقات:
إرسال تعليق